வணக்கம்!

❤️ எல்லோருக்கும் இனிய ஆங்கிலப் புத்தாண்டு வாழ்த்துக்கள் ❤️

🎓கல்வி – 03.01.2026 சனிக்கிழமை – 09:30 -12:30 (10:45 – 11:15)

வழமையான நேரத்தில் வழமைபோல் நடைபெறும்.

👉தேசிய மட்டத்திலான மாவீரர் ஓவியப்போட்டியில் வெற்றிபெற்ற மாணவர்கள். இவர்களுக்கான பரிசில்கள் 17.01.2026 தமிழர் திருநாள் (பொங்கல்) விழாவில் வழங்கி மதிப்பளிக்கப்படும் என்பதனை மகிழ்வோடு அறியத்தருகின்றோம் . வெற்றியாளர் பட்டியலை இங்கே காணலாம்.

👉 2026 ஆம் ஆண்டு தேசிய மட்டத்தில் நடைபெறவுள்ள சிறுவர் கதைசொல்லல் மற்றும் பேச்சுப் போட்டிகள் பற்றிய தகவல்:

• கதைசொல்லல் போட்டி: 2020இல் பிறந்த சிறுவர்கள் (ஆண்கள், பெண்கள் – தனிப்பிரிவுகள்)
• பேச்சுப் போட்டி: 2013 முதல் 2019 வரை பிறந்த மாணவர்கள் (ஆண்கள், பெண்கள் – தனிப்பிரிவுகள்)

போட்டிகள் முதலில் பள்ளி (வளாக) மட்டத்தில் நடைபெறும். அங்கு முதல் மூன்று இடங்களைப் பெறும் மாணவர்களே தேசிய மட்டப் போட்டியில் பங்கேற்க தகுதி பெறுவர்.

• 07.03.26: லோறன்ஸ்கூக் வளாக மட்டத்திலான போட்டி
• 21.03.26: தேசிய மட்டத்திலான போட்டி - றொம்மன் வளாகத்தில்

🎶கலைவகுப்புகள்

வழமைபோல் நடைபெறும், மாற்றங்கள் இருப்பின் கலை ஆசிரியர்கள் தங்களுக்கு நேரடியாக அறிவிப்பார்கள்.

நிர்வாக உறுப்பினர் தெரிவு 2026–2028

லோரன்ஸ்கூக் வளாகத்தில் அடுத்த ஆண்டுக்கான நிர்வாகத்தில் இணைய விரும்பும் புதிய நிர்வாக உறுப்பினர்கள் தேவைப்படுகின்றனர். இணைய விரும்புவர்களின் பணிக்காலம் குறைந்தது 2026–2028 வரை இருக்கும் என்பது குறிப்பிடத்தக்கது. விண்ணப்ப முடிவுத்திகதி: 10.01.2026.

👉 மேலும் தகவல்களுக்கு, இங்கே காணலாம்.

 

🧉🌞🌾 தமிழர் திருநாளாம் தைப்பொங்கல் விழா – 2026 🌾🧉🌞

அன்னை பூபதி தமிழ்க் கலைக்கூடத்தின் அனைத்து வளாகங்களும் ஒன்றிணைந்து, ஆண்டுதோறும் சிறப்பாக நடத்தி வரும் தமிழர் திருநாளாம் தைப்பொங்கல் விழா 17.01.2026 (சனிக்கிழமை) நடைபெறவுள்ளது என்பது நீங்கள் அறிந்ததே. வழமைபோல் இவ்வருடமும், அனைத்து வளாகங்களும் இணைந்து பங்கேற்கும் பொது நிகழ்ச்சிகள் பின்வருமாறு:

✨ பொங்கல் விழாவிற்கான பொது நிகழ்வுகள் ✨

• பொங்கல் பானையில் வரைந்து கொண்டுவருதல் - சிறுவர் நிலை (5 வயது) மற்றும் 1ம் வகுப்பு மாணவர்கள்
• இன்னியம் - 6ம் வகுப்பு முதல் 12ம் வகுப்பு வரை மாணவர்கள்
• கோலாட்டம் - 3ம், 4ம் மற்றும் 5ம் வகுப்பு மாணவர்கள்
• தாளசங்கமம் - 6ம் வகுப்பு முதல் 12ம் வகுப்பு வரை மாணவர்கள்
• 2ம் வகுப்பு மாணவர்களுக்கான சிறப்பு நிகழ்வு - தமிழ் அடையாளங்கள் மற்றும் தமிழ்ப்புலவர்கள் ஆகியோரை வெளிப்படுத்தும் வேடங்களில் ஒப்பனை செய்து கலந்து கொள்ளலாம்.

இதுவரை நடைபெற்ற  பயிற்சிகளில் எண்ணிக்கை அளவில் குறைந்த மாணவர்களே பங்கேற்றுள்ளனர். மாணவர்களை அதிக அளவில் சேர்க்க உதவிபுரியுமாறு அன்புடன் கேட்டுக் கொள்கின்றோம். நிகழ்ச்சிகளில் பங்கேற்க விருப்பம் தெரிவிக்கும் மாணவர்கள்,

அன்னை கலைக்குழுவுடன் நேரடியாக தொடர்பு கொள்ளலாம்.

☎️ தொடர்புகளுக்கு : அன்னை கலைக்குழு –📞 வள்ளுவன் +47 98850819,  லோறன்ஸ்கூக் 📞 ரூபன் : +47 92150150

அறிவு முற்றுப் போட்டி

தமிழர் திருநாளில் அறிவு முற்றுப் போட்டி மிகவும் சிறப்பாக இடம் பெறுவதை நீங்கள் அறிவீர்கள், அப்போட்டியில் கலந்துகொள்ளும் பிள்ளைகளை சனிக்கிழமை 10.01.2026 இடைவெளியின் பின் போட்டி வைத்து எடுப்பதாக உள்ளோம்.

போட்டி  மூன்று பிரிவுகளாக நடைபெறும்:

1.  10ம் ஆண்டு
2. ⁠8ம் – 9ம் ஆண்டு
3. 6ம் – 7ம் ஆண்டு

ஒவ்வொரு பிரிவிலிருந்தும் 4 மாணவர்கள் தெரிவுசெய்யப்படுவார்கள்.⁠கூடுதலாக 1 மாற்று மாணவர் (Reserve) தெரிவு செய்யப்படுவார்.

💵 நிதி 2025

Høst 2025 தவணை கட்டணங்கள் அனைவருக்கும் அனுப்பப்பட்டுவிட்டது. தயவுசெய்து குறிப்பிட்ட காலக்கெடுவுக்குள் பணம் செலுத்துங்கள். ஏதேனும் கேள்விகள் இருந்தால், எங்களை தொடர்புகொள்ளுங்கள்: மின்னஞ்சல் faktura.lorenskog@annai.no  தொலைபேசி 908 89 393. செலுத்தியவர்கள் இத்தகவலை விலத்திச்செல்லவும்.

எமது வளாக இக்கல்வியாண்டில் நடைபெறவுள்ள நிகழ்வுகள்

• 17.01.2026 -  அன்னை தமிழர் திருநாள் (பொங்கல் விழா)
• 31.01.2026 - பெற்றோர் தகவல் கூட்டம்

குறிப்பு: சூழ்நிலைக்கேற்ப வரும் மாற்றங்களுக்கு எம்மை புரிந்துணர் வோடு தயார்நிலைப்படுத்துவோம்.

 

தமிழை வளர்க்கப் பணிபுரிவோம்! 

 

நன்றி.

இவ்வண்ணம்
நிர்வாகம்
அன்னை பூபதி தமிழ்க் கலைக்கூடம் லோறன்ஸ்கூக்